„Karma Karaoke“: Rock.Pop.Platt. – eene plattdüütsche Komödie mit Musik von und mit Birgit Bockmann und Steffie Steup

Wat is Fründschapp? Und könnt wi wat an’t Schicksal dreihen?

Twee wunnerbore Fruuns sünd op de Söök na Antworten in düsse Kommödie mit Hart und Seel.

Birgit Bockmann, renommierte Regisseurin und Ohnsorg-Speelerin, hett as Psychotherapeutin „Dr Carolin Wohlgemut-Ratlos“ bannig wat los. Und doch se is bös dörchenanner, steckt inne Krise und bruukt ne echte Fründin. Dor kümmt „Funky Frieda Hansen“ alias Steffie Steup jüst to de rechte Tied ümme Eck. Steup, de as „Queen of Plattdüütsch“ in ganzen Norden as Sängerin und Entertainerin bekannt is, speelt düsse Funky Frieda. De harr eegentlich immer blots Glück in’t Leben – bit jetzt! Ok se bruukt Hölp und fragt: „Worüm mutt dat utgereekent mi passieren?“ Ernste Themen vun’t Loslaaten und wat Niedes anfangen ward so licht und mit Humor vertellt, dat man twüschendör gor ni mehr weet, ob man vör Lachen weent oder ob dat Hart weh deiht. Verdreihte Therapie-Sperenzchen rüttelt und schüttelt di denn Buuk vör Lachen und de wunnerboren Leeder gaht to Harten und kitzelt noch de letzten Emotionen rut.

Dat „Dulle Duo“ Bockmann und Steup singt, speelt und therapiert sik um und dumm. Tosammen maakt de Beiden een heeles Spektakel los, dat allns hett, wat man sik op de Theoterbühne wünscht. Kümm vörbi und du warst dat beleeven!